Mibalik na sa normal ang kita sa mga vendors dinhi sa dakbayan sa Iligan human gipaklaro sa mga otoridad nga luwas kaunon ang tanang matang sa isda nga gibaligya dinhi sa Iligan ug sa ubang lugar.
Kini maoy gibutyag ni City Agriculturist Octavios Molo, human mihinay ang palit sa isda niadtung nakalabay’ng mga semana gumikan sa mikuyanap nga sayop nga impormasyon o fake news sa social media nga adunay hugaw sa mga hospital nga nagdala ug HIV ug gilabay sa kadagatan.
Kahinumduman nga pulos gihimakak sa City Agricultures Office ug City Health Office ang migawas nga taho sa social media dungan sa ilang pagpaklaro nga dili makuha ang HIV gikan sa pagkaon sa isda ug uban pang makaon gikan sa dagat tungod direkta man kini nga motakod sa tawo ug dili sa bisan unsa man nga makaon ilabi na isda.
