KABANKALAN CITY – Patay ang 18 anyos nga lalaki matapos makabunggo ang iya nga motorsiklo sa iya sugata nga dump truck mga alas 6 kaina sa aga (January 27).
Natabo ang insedente sa Purok B1, Brgy. Bantayan sa diin ang biktima ginkilala nga kay Darwin Bajiho, 18 anyos kag pumoloyo sang Sitio Lambo, Brgy. Locotan.
Nakilala naman ang driver sang 10-wheeler truck kay Armando Dijillo, 59 anyos, kasado kag pomuloyo sang So. Luwag, Brgy. Locotan.
Sa isa pa gid ka insedente, wala pa natumod kon sin-o naman ang nakabunggo sa menor de edad Micah Macativo, 17 sang Don Emillo, Phase 1, Barangay 9.
Si Micah ang napatay matapos ma hit and run ang ila motorsiklo nga ginasakyan, ginamaneho ni George Deleca Jr., 19 anyos, sang Enero 25 sa Mabinay Road.
Gindala pa ini sa Kabankalan District Hospital kag sa ulihi ginsaylo sa Corazon Locsin Montelibano Memorial Regional Hospital apang ginbawian sang kabuhi.
Wala pa gihapon natumod kon sin-o ang nakabunggo sa ila. /Alglomyrrh Adla-on/Mawie delos Santos/ RMN
