SAN ENRIQUE – Napatay na kahapon sa Riverside Medical Center si Mark Niccu Tamayo, 20 anyos ang edad, driver sang motor matapos nga nga na-aksidente sa Poblacion sang San Enrique sadtong Domingo sang gab-i.
Basi sa imbistigasyon ni SPO2 Rodney Lingamen sang San Enrique PNP, nga sadtong Domingo sang gab-i nagkadto si Tamayo sa Automatic Videoke Bar sa banwa sang san Enrique ,upod ang iya mga Pakaisa nga sanday: Edison Tambuong, 36 anyos kag El John Barison 17 anyos.
Suno kay SPO2 Lingamen maga-pauli na kuntani ang tatlo sa ila lugar sa San Vicente Brgy. Antipolo, halin sa videokehan, kag tungod nakainum kag madasig ang pagpadalagan sang motor, nag baling-balang ini kag nagbunggo sa kahoy, kabangdanan nga nakaagum sila sang malubha nga mga samad sa ulo kag lawas.
Si Tambu-ong ang napatay sa Regional Hospital bangud sa head injury samtang si Barison ang padayon nga gina-bulong sa Riverside Medical Center.
Suno sa San Enriquie PNP, ang tatlo wala sang helmet, wala man sang driver’s licence ang driver kag wala sang OR kag CR ang motorsiklo nga ila gingamit.
