Nasa halos 200 ka mga batan-ong basketball players ang misalmot sa gihimong Summer Basketball Clinic sa St. Mary’s Academy gym sa Barangay Carmen ning syudad.
Ang duha ka adlaw nga basketball clinic gisugdan niadtong Martes ug gitapos kagahapong adlawa.
Sa maong higayon, mipadayag sa iyang kasinatian sa Basketball ang multi-awarded nga kanhi PBA coach ug Samahan ng Basketbol ng Pilipinas o SBP Special Assistant to the President Ryan S. Gregorio.
Mitabang kang Gregorio sa pagtudlo sa mga partisipante ang mga banggiitang mga coaches gikan sa lain laing dapit sa Mindanao.
Ang maong kalihukan gipaluyohan sa Smart Communications, Inc., MVP Sports Foundation, Samahang Basketbol ng Pilipinas ug lokal nga kagamhanan sa Cagayan de Oro.
Facebook Comments
