Halos 200 ka mga pulis sa COCPO, gipaubos sa drug test

Halos 200 ka mga polis sa Cagayan de Oro City Police Office kon COCPO ang gipaubos sa drug test kagahapong adlawa.

Kini ang gibutyag ni Police Supt. Mardy Hortillosa, Spokesperson sa COCPO sa interview sa dxCC-RMN.

Matud ni Supt. Hortillosa nga mao na kini ang mga nabiling pulis nga wala pa nakapaubos sa ginahimong drug test sa COCPO nga kabahin sa ilang internal cleansing.

Gidugang ni Hortillosa nga lakip sa mipaubos sa drug test kagahapon mao si COCPO Director Police Sr. Supt. Nelson Aganon.