Umabot na 246,250 ang bilang ng mga debotong dumating dito sa Quiapo Church para sa Pista ng Itim na Nazareno.
Batay sa datos ng Quiapo Command Center, mula ala-1:00 hanggang alas-2:00 ng hapon ay nasa 17,600 ang mga debotong dumalo sa misa.
Bahagya itong bumaba kumpara sa bilang ng naunang misa na nasa 25,400.
Sa kasalukuyan, idinaraos na rito ang ika-dalawamput apat na misa mula kahapon ng alas-3:00 ng madaling araw at magpapatuloy pa ang hourly masses hanggang mamayang gabi.
Samantala, wala namang naitatalang major emergency incident sa selebrasyon.
Puspusan din ang pag-aalalay ng mga hijos at kapulisan sa mga debotong pumapasok at nasa paligid ng simbahan.
Facebook Comments
