Sa interview sa DXDC RMN Davao kang PSSg. Marcelino Simabajon, imbestigador sa giila mismo sa igsoon ang biktima nga nailang si Julito Lacera Saratan, 49 anyos, taga Purok New Argao, Barangay Sawata, San Isidro, Davao Del Norte.
Saysay sa igsoon sa biktima nga si Joan Saratan, halos tulo ka dekada na nga “mentally challenged” si Julito ug nagasuroy-suroy kini sa dalan sa Poblacion, San Isidro ug mituo kining aksidenteng nalumos ang iyang igsoon ilabi na nga pirmi kining naga-adto sa Magdao river aron nga maligo.
Matud sa pamilya niadtong December 14 nila katapusang nakit-an ang biktima hangtud nga nakaplagan kini nga wala nay kinabuhi.
“Basta ang ilang ingon, hapit na 30 years na niya ginadala nga sakit. Mao na nga usahay maglakaw daw na, mawala unya marekober napud nila,” saysay sa pulis.
Sa mga nanginahanglan og medikal nga atensyon, mamahimong makig-alayon sa Local Government Unit (LGU) aron nga matabangan nga mapatambalan ang mga miyembro sa pamilya nga naghambin sa susamang balatian.
RadyoMaN Kirby Manzon
