Umabot na sa 61.85% ng ₱22.9 billion ang naipamahagi sa mga mamamayang naapektuhan ng dalawang linggong pagpapatupad ng Enhanced Community Quarantine (ECQ) sa NCR plus bubble.
Ang bawat kwalipikadong benepisyaryo ay makakatanggap ng 1,000 pesos o maximum na P4,000 kada pamilya sa ilalim ng government cash aid.
Ayon kay Interior Secretary Eduardo Año, nasa 14.1 billion pesos na ang naipamahagi sa mga apektadong indibidwal.
Nasa 68.51% na kumpleto ang disbursement sa Metro Manila, kasunod ang Laguna (65.76%), Rizal (56.9%), Bulacan (53%) at Cavite (47%).
Magtatagal hanggang May 15 ang pamamahagi ng one-time cash assistance para mabigyan ng dagdag na panahon ang mga Local Government Unit (LGU) na tugunan ang mga concerns sa pamamahagi ng ayuda.
Facebook Comments
