Sa interbyu sa DXDC RMN Davao kang Senior Fire Officer 1 Winston Florenosos sa Nabunturan Bureau of Fire Protection (BFP), gibutyag niini nga 3 ang totally damaged, 2 ang partially damaged nga balay, diin anaa sa walo ka pamilya ang apektado lakip na ang naapektuhang kasikbit nga kabalayan.
Gibutyag ni Florenosos nga nabiyaan nga kandila ang ginalantaw karong hinungdan sa pag-ulbo sa kalayo, diin anaa gibanabanaang anaa sa P795,000 ang damyos sa sunog.
“Posible ato kandila nga nabiyaan kay naputlan sila’g kuryente anang adlawan pa. Possible lang kay under investigation pa man gud,” saysay ni Florenosos.
Sa pagkakaron, temporaryong gipahilona ang fire victims sa evacuation center sa munisipalidad ug ginaproseso na usab sa Local Government Unit (LGU) ug Department of Social Welfare and Development (DSWD) ang itunol nga tabang sa mga biktima.
RadyoMaN Kirby Manzon
