Umaabot sa halos dalawang daang libong piso ang halaga ng shabu na nakumpiska sa isang panibagong drug den na nabuwag ng mga otoridad sa Dagupan City.
Arestado dito ang apat na indibidwal sa isinagawang buy-bust operation ng pinagsanib na pwersa ng Philippine Drug Enforcement Agency (PDEA) Pangasinan Provincial Office, PDEA Ilocos Sur at Dagupan City Police Station ngayong araw Kahapon sa bahagi ng sitio Nueva. Barangay Dos at Tres dito sa lungsod.
Inaresto ng mga otoridad ang maintainer at co-maintainer ng naturang “drug den” at dalawa pang drug den visitors.
Sa nasabing operasyon, nakuha mula sa pangangalaga ng mga suspek ang siyam na piraso ng heat-sealed transparent plastic sachet na naglalaman ng hinihinalang shabu na may bigat na tinatayang 23.6 grams na nagkakahalaga ng P160,480.00.
Nahaharap na ngayon sa kaukulang kaso ang mga suspek. |ifmnews
Facebook Comments
