Ginkumpirmar ni PNP Chief Director General General Oscar Albayalde nga halos katunga ukon 42.9% sang 1,634 ka syudad kag banwa sa bug-os nga pungsod ang ginakabig election hotspots.
Suno kay Albayalde, naglab-ot na sa 701 ang numero sang election hotspots nga ginatutukan sang PNP may kaangtanan sa May 2019 midterm elections.
Ginpa-athag ni Albayalde nga color-coded ang mga hotspots sa diin 223 diri ang ara sa yelloe code ukon mga ginakabig election areas of concern; 382 ang orange code ukon ang mga election areas of immediate concern; kag 94 ang red code ukon election areas of grave concern.
Sa idalum sang election areas of grave concern ukon red code, 27 diri ang ara sa ARMM, 19 sa Bicol Region, 7 sa Calabarzon, 7 sa Western Mindanao, tag-anum sa MIMAROPA kag Western Visayas, lima sa Northern Mindanao, tag-apat sa Central Luzon kag Davao Region, kag tag-isa sa Caraga kag Cagayan Valley region.
Wala naman sang red code areas sa NCR kag Ilocos region.
Photo from web
