Nakatakda nang sampahan ng kaso ang dalawang suspek na naaresto sa buybust operation sa kahabaan ng DASA Corner Saint Paul Avenue, Brgy. San Isidro Parañaque City.
Nakilala ang mga suspek na sina Alfredo Duca Galarion at Gina Catunay Muntez.
Ayon sa Parañaque City Police Station Drug Enforcement Unit kasama ang mga tauhan ng Police Substation 4 nakuha sa mga suspek ang anim na heat-sealed transparent plastic sachet na naglalaman ng hinihinalang shabu na may bigat na 100 grams at nagkakahalaga ng ₱680,000.
Kasama pa sa mga nakumpiskang ebidensiya ang isang tunay na ₱1,000 at walong ₱1,000 bill boodle money kasama ng isang asul na sling bag.
Samantala, ang mga nasabat na item ng iligal na droga ay ibibigay sa PNL Southern Police District Forensic Unit para naman sa quantitative at qualitative analysis.
