Ginpasiguro sang Police regional Office 6 nga luwas sa katalagman ang mga tumalan-aw sa Dinagyang Festival 2018.
Ini ang ginpasalig ni PRO-6 spokesman Supt. Gilbert Gorero pinaagi sa pagsiling nga handa na ang mga kapulisan sa paghatag seguridad subong nga Dinagyang.
Angut sini, gina-agda sang PRO-6 ang publiko nga magpadulong sa siyudad sang Iloilo kag maglantaw sa pinakabongga nga Festival bangud sigurado nga luwas ang mga ini kag wala sang kabalak-an.
Nahibaluan nga kahapon gimhwat ang send-off ceremony sang mga pulis kag mga suldado kag subong man ang mga force multipliers nga igadeploy sa bug-os nga siyudad lakip na ang security equipment para masiguro nga mangin malinong kag matawhay ang Dinagyang Festival.
