Giaprubahan karon sa mga sakop sa Sangguniang Panlalawigan sa Zamboanga del Norte sa temporarro nga pagpangulo ni Presiding Officer Pro Tempore Julius C. Napigquit ang Provincial Development Council Executive Committee (PDC-ExeCom) Resolution No. 7, series of 2018, nga nag-ulohan,” A Resolution Approving and Endorsing to the Sangguniang Panlalawigan (SP) for Support and Concurrence, the Adoption of the Transfer of Location of the Hanging Bridge Project from Barangay Mantivo, Sibuco to Barangay Macasing, Siayan, a Project Funded from the Twenty-Five Million Pesos (Php 25, ,000, 000.00) Loan for the Construction of Hanging Bridges in the Province Under the Department of Finance-Municipal Development Fund Office (DOF-MDFO), for Disaster-Related Projects.” Si Board Member Venus A. Uy isip Chairman sa Committee on Finance and Appropriations ang mipasupot sa resolusyon nga nag-apruba sa PDC-ExeCom Resolution No. 7, series of 2018, alang na sa maong katuyoan atol sa gipahigayon nga regular session sa mga sakop sa Sangguniang Panlalawigan. Matud pa sa AIYU Builders and Enterprises nga tungod sa mga problema nga nahinagbo niini sama sa suliran sa kahapsay ug kalinaw, maot ug daut nga kalsada ug ingon man kakulangon sa mga sakyanan nga magamit sa pagpatuman sa hanging bridge project sa barangay Mantivo, Sibuco mihangyo kini nga ibalhin na lamang ang nasangpit nga proyekto ngadto sa barangay Macasing sa lungsod sa Siayan. Sa pagbalhin sa hanging bridge project gikan sa Mantivo, Sibuco ngadto na sa Macasing, Siayan gisiguro diha sa PDC ExeCom nga gipangulohan usab ni Governor Roberto Y. Uy nga mapahimuslan pa kini sa daghanan nga mga katawhan nga nanimuyo niini lakip na ang haduol nga mga barangay sa Pangi ug Datagan nga pulos sakop sa lungsod sa Siayan diin giila usab kini nga disaster-related project. Kahinumduman nga mokabat sa upat (4) ka hanging bridge projects nga ipahimutang sa nagkadaiyang mga barangay dinhi sa probinsiya ang giaprubahan sa Department of Finance-Municipal Development Fund Office (DOF-MDFO) alang sa probinsiya nga nagalangkub sa mosunod: Dabiak, Katipunan; Biayon, Sergio Osmena, Sr.; Nato, Sindangan; ug Mantivo, Sibuco nga ibalhin ngadto na sa Macasing, Siayan. Si Presiding Officer Pro Tempore Julius C. Napigquit maoy nangulo sa session sanglit atua man sa opisyal nga biyahe si Vice-Governor ug Presiding Officer Senen O. Angeles atol sa maong higayon. -30- M.L (with reports from EPT) <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
