Davao de Oro – Wala misugot ang mga sakop sa Davao de Oro Provincial Health Office (PHO) sa hangyo sa mga tigdumala sa Community Technical College of Southern Mindanao (CTCSM) sa Purok Lapu-Lapu, Maco, Davao de Oro nga sila ang mopahigayon og 14 days Mandatory Quarantine sa 35 ka mga estudyanteng nga stranded sulod sa tulunghaan.
Sumala sa report gikan sa Davao de Oro Provincial Health Office nga base sa gihimong pagsusi sa mga pasilidad sa eskwelahan, nasayran nga dili makapasar sa gitakda sa mga sakop sa bantay panglawas ang ilang mga kahimanan sama sa comfort room ug mga kwarto nga double deck ang kama.
Dugang pa nga karaan na usab ang mga building ug delikado sa sunog hinungdan nga gibalibaran usa sila sa Davao de Oro PHO.
RadyoMaN Jules Catisay
