Itinalaga ni Pangulong Ferdinand Marcos Jr., si Department of Migrant Workers (DMW) Undersecretary Hans Leo Cacdac bilang bagong ad interim secretary ng Department of Migrant Workers (DMW).
Matatandaang nauna nang itinalaga ng pangulo si Cacdac bilang officer-in-charge ng DMW matapos ang pagpanaw ni dating kalihim na si Susan “Toots” Ople noong Agosto 2023.
Bago ang kanyang ad interim appointment bilang gabinete ng administrasyong Marcos, nagsilbi si Cacdac bilang Undersecretary ng DMW; Executive Director ng Overseas Workers Welfare Administration (OWWA) at Philippine Overseas Employment Administration (POEA); at Undersecretary ng Department of Labor and Employment (DOLE).
Nagsilbi rin siyang Deputy Executive Director V ng POEA; Executive Director IV ng National Conciliation Mediation Board-DOLE; Director IV ng Bureau of Labor Relations-DOLE; at Associate Lawyer at Urban Poor Unit Coordinator ng Sentro ng Alternatibong Lingap Panligal (SALIGAN) sa pribadong sektor.
