Sa interview sa DXDC RMN Davao kang Leah Daño, Rescuer, gisulti niya, angay lang inbestigahan pag-usab aron masuta kung unsay tinuod ug dili dayon ipasirado tungod apektado, ang mga binuhing iro ug iring ug maglisud pa sila pagbalhin tungod wala pay lugar nga ilang kabalhinan.
Segun ni Daño, adunay 100 ka iro ug 100 ka iring ang na-rescue nga anaa pa sa maong shelter ug padayon kining gi-atiman.
Nahinabi usab sa DXDC RMN Davao si Gie-gie Bangcas, residente sa maong lugar, nagpadayag sa iyang sintemento nga dili dayon ipasira ang maong shelter tungod, luoy usab ang mga hayop nga maapektohan ug mawad-an usab sa trabaho ang mga trabahante.
Giklaro ni Bangcas, wala silay partisipasyon o niperma og petisyon kabahin sa maong reklamo nga ipasirado ang maong shelter.
Kahinumduman, nakadawat og sulat o closure order gikan sa City Government of Davao, ang tagdumala sa maong shelter nga ipasirado, duha ka semana na ang nakalabay.
RadyoMaN Don Pulayao
