Giklaro sa Land Transportation Office kon LTO 10 nga pahugtan sa ilang ahensiya ang kampaniya sa “Hapsay sa Dalan”.
Sa interview sa RMN Malaybalay ngadto kang LTO 10 Regional Director Oscar Salcedo gibutyag niini nga ipatuman ang pagpangdakop sa mga badlongong motorista pinaagi sa gimugna nga provincial team sa mga enforcer diin naglangkob kini sa mga gi-deputized sa LTO sa Bukidnon.
Sigun ni Salcedo nga ilawom sa Hapsay dalan, ilang ipatuman ang tanang balaod trapiko.
Ila matud pang dakpon ang mga nakasupak nga walay pili gikan sa wala paggamit sa helmet, kawad-on sa lisensiya ug rehistro, ug pagbaton sa expired nga lisensiya ug rehistro sa sakyanan.
Tumong matud pa niini nga malikayan ang sunod-sunod nga aksidente sa kadalanan.
Apil matud pa ninii ang tanang mga sakyanan gikan sa motor hangtod sa four wheels.
Gidugang pa sa regional director nga halos tanang lungsod sa Bukidnon ila nang na-deputized.
