Gin-akusahan ni Vice-Mayor Francis Amboy sang banwa sang Maasin si Mayor Mariano Malones nga nagahingabot Kag nagahimo sang political harassment sa iya.
Sa interview sang RMN iloilo, ginpahayag ni Amboy nga si Mayor Malones ang yara sa likod sang mga tawo nga nagpasaka sang kaso sa ombudsman batuk sa iya.
Ginhatagan pagtamod ni Vice-mayor Amboy nga maka-apat na ka beses nga ginhimo sang alkalde ang paghingabot sa iya kabangdanan wala na siya nakibot kag indi na bag-o para sa iya ang pinakaulihi nga kaso nga ginpasaka sa iya sa Ombudsman Cebu kon sa diin mga barangay officials ang mga tagreklamo.
Suno sa bise-alkalde nga gin-pressure lamang kag ginpahog ni Malones ang mga complainants agud kasuhan siya kag maguba ang iya ngalan sa publiko.
Nahibaluan nga magapapili sa pagka-alkalde sang Maasin sa masunod nga eleksyon si Vice-mayor Francis Amboy kontra kay Mayor Mar Malones.
