Hard lockdown, i-imposar sa mga dapit sa Barangay Delabayan, sa Kauswagan Lanao del Norte human mag positibo sa COVID-19 ang unom ka mga LSI nga nakauli

47

Gi-rekomenda ni Kauswagan Mayor Rommel Arnado nga mag-imposar og hard lockdown sa ubang bahin sa barangay Delabayan sa maong lungsod.  
Kini human nga nag-positibo sa COVID-19 ang unom ka mga locally-stranded individual (LSI) nga naka-uli gikan sa Cebu ug gikan sa National Capital Region (NCR).  

Partikular nga dapit sa Delabayan nga ipailawom sa hard lockdown mao ang nahimutangan sa barangay isolation unit kung asa gi-quarantine ang maong mga nag-positibong LSI.  


Ang usa ka LSI nga gikan sa NCR gi-isolate sa usa ka LIGTAS COVID facility sa Barangay Inudaran sukad sa iyang pag-uli.  

Giklaro ni Dr. Arthur Dale Laguerta, ang rural health unit (RHU) officer sa Kauswagan, nga walay angayang kabalak-an ang mga residente sa lungsod tungod kay wala paman sila makagawas gikan sa isolation facility sukad sa ilang pag-uli.  
Mga asymptomatic o walay simtomas nga gipakita ang unom ka mga LSI.  

Gibalhin na sila sa provincial isolation facility didto sa lungsod sa Kapatagan. (Divina M. Suson, June 30)

Facebook Comments