Davao City – Ni alarma ang sunog kagahapon sa udto sa usa ka hardware nga anaa nahimutang sa dalang R. Magsaysay partikular sa KME hardware.
Sumala pa sa tag-iya sa maong establisemento nga sa dihang pag-adto niya sa comfort room nakita niini nga dunay nag aso ug duna nay diyutay nga kalayo ang ilang stockroom.
Sa mao nga insidente gitabangan nila og patay ang kalayo pinaagi sa fire extinguisher apan wala kini matabang ug didto na sila nangayo og assitance sa Bureau of Fire Protection (BFP) XI.
Gideklarang fire out ang insidente bandang ala una na sa kahaponon.
Matud pa sa tag iya sa hardware nga si Mr. Ang, mokabat kuno sa 200,000 ka pesos ang damyos sa maong sunog diin nasuta nga ‘faulty wirings’ ang tinubdan sa maong kalayo.
RadyoMaN Paul Canono
