Davao City- Gisulayan pa og dala sa ospital sa Malita, Davao Occidental ang Hashtags member nga si Franco Hernandez human kini nalumos sa ilang giligoang dagat sa White Island, North Lamidan, Don Marcelino, Davao Occidental bandang alas 3 sa hapon karong adlawa apan gideklara na kining dead on arrival sa mga doktor.
Sa interbyu sa DXDC 621 RMN Davao kang Davao Occidental Police Provincial Director Pssupt. Thor Cuyos gibutyag niini nga naglingawlingaw si Hernandez uban ang laing membro usab sa Hashtags nga si Tom Doromal ug lain pa nilang higala sakay sa usa bangka.
Sa kakusog sa balod nikulob ang ilang gisakyang bangka hinungdan sa pagkalumos sa biktima.
Sumala sa opisyal nga walay suot nga mga life vests ang grupo nila Hernandez.
RadyoMan Aimee Guinita
