Davao City- Giduaw ni Vice President ug Department of Education Secretary Sara Duterte ang haya sa pamilyang Gumatin nga pulos namatay sa landslide sa didto sa Mt. Diwata, Diwalwal, Monkayo, Davao de Oro.
Personal nga gipaabot sa bise Presidente ang iyahang pahasubo sa mga kabanay sa tibuok pamilya nga namatay sa maong trahedya.
Sa Facebook post sa Municipality of Monkayo, nitunol ni VP Sara og 12 ka sakong bugas ug cash assistance
Nakigistorya usab kini kang Mayor Manuel Zamora didto sa haya sa pamilyang Gumatin sa Assembly of God Church, Barangay Union, Monkayo.
Mipaambit sab og pag-ampo ang Bise Presidente alang sa mga namatay.
Ang pito ka sakop sa pamilyang Gumatin nga gilangkuban sa magtiayon ug lima nila ka anak nahurot ug kamatay atol sa landslide niadtong Enero 18,2024.
RadyoMaN Aimee Guinita
Facebook Comments
