Davao City – Adunay nakitang maayo nga kaugmaon ang University of the Philippines Mintal Campus student council sa mga kabataan karon kinsa giila nga pundasyon ug haligi sa atong nasud.
Ang pagbubo og binilyones ka pesos sa gobyerno alang sa edukasyon maoy bala aron makaangkon ang hayag nga ugma sa mga kabataan sa Pilipinas.
Segun ni UP Mindanao Student Council President Romen Samuel Wabina nga dakong tabang ang suporta sa gobyerno sa mga kabataan nga nahimo nang scientist kansang ang ilang mga research gamit kaayo sa mga industriya sa nasud.
Sanglit libre na ang edukasyon sa mga kolehiyo ug unibersidad nga iya sa kagamhanan , ang angay na lamang himoon sa mga magtutudlo mao ang pagtudlo og maayo sa mga estudyante aron mabaid ang ilang igong kahibalo alang sa mas tul-id ug klaro nga kaugmaon nila sa atong sosyodad.
Gikalipay ni Wabina ang paglagda ni Pangulong Rodrigo Duterte sa Republic Act 10931 kun Free Tuition Law sa tanang Colleges and Universities nga iya sa kagamhanan ning baguhay lang apan mas labing maayo sumala pa kung gilakip sa balaod ang libre nga bayronon sa pagtuon sa pagka-abogado, Masteral, ug Doctorate.
Luyo niini, mapasalamaton gihapon ang pangulo sa mga estudyante sa UP Mindanao kay wala na’y mga kabataan mahikawan sa katungod sa edukasyon nga maghatag kanila og hayag nga ugma sa kinabuhi.
Subay sa kasaulugan sa ika-25 ka tuig sa National Children’s Month, angay buligan sa mga ginikanan ang gobyerno sa paghulma sa kaugmaon sa mga kabataan aron mahatagan og katumanan ang damgo ni Gat Jose Rizal nga ang mga kabataan mao ang paglaum sa Pilipinas.
RadyoMaN Joel Viray
