Tapaz, Capiz- Patay ang isa ka senior citizen matapos nga nabanuggo sini ang ginamaneho nga motorsiklo sa kasugata nga bus liner alas 3:40 kahapon sang hapon sa Poblacion, Tapaz, Capiz. Gindangat pa sa Tapaz District Hospital ang biktima nga ginkilala kay Jose Glumali sang Poblacion, Tapaz apang ini ang gindeklarar nga dead-on-arrival sang doktor bangod sa patal nga pilas nga naangkon sa iya ulo. Sa subong yara na sa kustodiya sang Tapaz PNP ang driver sang Calinog Bus Liner nga si Federico Ostaga y Almirante sang Rizal Ilawod Calinog Iloilo. Nagaguha sa imbestigasyon sang mga kapulisan nga madasig ang pagmaneho sang biktima kag wala sini makontrol ang manibela rason nga head-on nga nabunggo sa kasugata nga bus liner. Nahibaluan nga bangod sa kabaskugon sang impact sang pagkabunggo, nagpilit gid ang motorsiklo sa nahauna nga porsyon sang amo nga bus.
*tags:Visayas,Roxas,DYVR,DYVR657,Capiz,Tapaz,CBL,Tapaz District Hospital,Tapaz PNP*
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
