Jamindan, Capiz- Lunsay nag-angkon sang mga kapilasan sa lawas ang duha ka mga persona matapos nga nagbunggoanay ang ginamaneho sang mga ini nga motorsiklo pasado alas 4 sang hapon sa North, Lucero banwa sang Jamindan.
Padayon nga ginabulong sa Capiz Doctors Hospital ang persona nga si Ramie Matillano nga nag-angkon sang pilas sa iya ulo kag kilay samtang pilason man ang nakabunggoan sini nga ginkilala kay Ronilo Peniano nga residente ang Altavas, Aklan.
Suno sa inisyal nga imbestigasyon, may yara sang gindul-ong si Peniano kag ginasubay na sini ang dalan pabalik sa Altavas sang aksidente nga nagbunggo sa kasugata nga motor.
Ginapahayag nga nag-agaw sang lugar ang motorsiklo nga ginamaneho ni Matillano kabangdanan sang aksidente.
Pareho naman nga ginkustodiya sang mga otoridad ang mga motor sang mga ini nga nag-angkon sang damage.
