Health Alert/ "Deadly HIV virus" mikanat kuman!

170

Nagpahimangno kuman an Dept.of Health sa ila nadiskobrehan na makamatay na HIV virus na nagkanat kuman dinhi sa Pilipinas na puyde mopatay sa biktima suyod lamang sa lima ka tuig. Sa gipagawas na pamahayag kuman bag o nan DOH na 10% o 500 ka mga HIV patients sa Pilipinas an dili na madutlan o di na madaya sa pag inom nan medisina o tambay. Tagpasabot kuman ni Dr. Edsel Salvana an Director nan National Institute of Molecular Biology na nahimong drug resistant na an HIV virus nà nahimong full blown HIV AIDS suyod lamang sa lima ka tuig. Isa sa mga rason kon uno drug resistant na an virus tungod kay dili continues o waya ipadajon sa mga pasyente an pag inom sa ila mga tambay. Gawas pa nan ini jauy mga pasyente na drug resistant virus na dajon an napasa sa ila. Tagkaalarma isab kuman nan DOH an kabag-ohan nan HIV Strain dinhi sa Pilipinas kon diin 75% sa HIV positive an subtypeA-E na posibling mahimong AIDS suyod lamang sa 5 ka tuig. Tagkaproblemahan isab kuman nan DOH an available HIV treatment sa nasud o Pilipinas kay ini para lamang sa sub type B na mga pasyente, amu na tagtutukan o tagpaningkamotan kuman na makahanap gajud nan sulbad o bag-ong pamaagi para sa HIV treatment.

Facebook Comments