Davao City – Gidagsa sa kapin 400 ka mga senior citizen ang unang adlaw sa “Zumba Ehersisyo sa Barangay,” nga programang gipasiugdahan sa buhatan ni 1st District Representative Paolo “Pulong” Duterte, didto sa Barangay Catalunan Grande niadtong Lunes, Setyembre 1, 2025.
Gilauman nga mabitbit usab kini nga kalihukan sa tanang 54 ka barangay sa unang distrito sa Dabaw sa mosunod nga mga semana.
Gani, usa sa mga mitambong si Osmunda Lahora, presidente sa Federation of Senior Citizens, kinsa mapasalamaton sa padayon nga suporta sa kongresista. Samtang si Thelma Briones, 74 anyos ug usa sa mga partisipante, miingon nga lingaw ug mapuslanon ang kalihukan.
Gawas sa Zumba session, gihatagan usab ang mga senior og hot meals ug food packs. Ang maong programa kabahin sa mga inisyatibo sa opisina ni Duterte aron dasigon ang aktibong panglawas ug palig-onon ang panaghiusa sa katawhan sa distrito.
RadyoMaN Kareen Beltran
Facebook Comments
