Davao City – Malaumon ang usaka health official nga nakakat-un na ang katawhan ug ang gobyerno sa resulta sa sitwasyon sa COVID-19 sa dakbayan.
Sa pakighinabi sa DXDC RMN Davao kang Dra. Marie Yvette Barez, Infection Control and Prevention Unit chair Southern Philippines Medical Center, sulti niini nga di pa siya kaingon sa karon nga panahon na alang sa pagluag sa quarantine measures.
“Lisod (for us) because it’s too early to open everything… when you open that, everybody can come in and if you are not strict… there’s what we call na asymptomatic, dali ra man mag tell a lie ang mga tao, pwede ra muingon nga way sakit… So I hope we have learned our lesson before…,” segun ni Barez.
Kagahapon, usa sa pamahayag ni Davao City Mayor Inday Sara Duterte-Carpio mao ang iyang panghinaut nga ipailawom na ang syudad sa Modified General Community Quarantine (MGCQ) sa bulan sa Abril.
Apan gitino sa alkalde nga bisan unsa man ang quarantine status sa syudad, mga importanteng lakaw gihapon ang tugotan aron usab mapugngan ang pagsaka sa kaso sa COVID-19.
As of March 15, 2021 base sa datos sa Department of Health o DOH XI, 21 new cases sa COVID-19 ang nadugang diin 3 niini gikan sa Davao City samtang 12 sa Davao del Norte, 4 sa Davao Oriental, ug 2 sa Davao de Oro.
Sa report, anaa sa 877 ang aktibong kaso sa COVID-19 sa tibuok Davao region.
RadyoMaN Renz Barbarona
