Health official: Ventilation, vaccination ikonsidera sa mass gathering

49
Davao City – Nagpahinumdom si Dr. Ricardo Audan, Office in Charge (OIC) sa Southern Philippines Medical Center (SPMC) sa mga angay ikonsidera ugaling magbaton og mass gathering labi na nga kini dili malikayan sa holiday season diin aduna pay muabotay nga pagsugat sa Bag-ong Tuig.

Sa interbyu sa DXDC RMN Davao kang Dr. Audan, gisulti niini nga mas maayo kung himuon ang panagtapok sa open area aron likay sa risgo sa takod sa Coronavirus Disease 2019 (COVID-19), ug kung sa sulod man sa balay, kinahanglan nga magbaton og saktong ventilation.

“Kung magpa-party man, kung pwede lang open field. Kung naa man sa balay, open ang windows, ang doors, dili mag-aircon. Dapat maayo ang ventilation,” sulti ni Audan.

Tambag usab ni Audan nga kung pwede nga iimbita lamang sa reunion o gathering kadtong fully vaccinated batok COVID-19 aron sila magbaton og dugang proteksyon batok sa virus.

Gidugang usab sa health official nga posibleng lauman ang surge sa COVID-19 cases sa sunod tuig resulta sa holiday gatherings, apan dakong tabang kung ang usa ka tawo bakunado na batok COVID-19.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments