Davao City- Gipaniguro sa lokal nga panggamhanan sa Davao nga plastado ang health protocols subay karon sa pagtugot sa tanang klase sa flights pasulod ug pagawas sa Davao International Airport ilawom sa Executive Order No. 26 nga gilagdaan ni Davao City Mayor Sara Duterte.
Gibutyag ni Generose Tecson, City Tourism Operations Office Head, hugot nga ipatuman sa lokal nga panggamhanan sa Davao ang test before flying kun pag-require sa tanang mga pasahero og 72 hour negative RT-PCR test result pasulod og pagawas sa Davao International Airport.
“About time na pwedi ng pumasok iyong mga ibang klaseng flights para din ma-spur iyong economy natin pero hindi ibig sabihin na wala ng COVID, may COVID pero iyong ating health protocols are very much in place,” sumala niini.
Segun ni Tecson, ipatuman sa Bureau of Quarantine ang protocols sa tanang mga air passengers ilabina sa mga Overseas Filipino Workers (OFW) ug tanang gikan sa abroad. Mag-identify usab og mga hotels dinhi sa dakbayan nga magsilbing quarantine facilities alang kanila.
Base sa guidelines sa Task Group on the Management of Returning Overseas Filipinos, ang mga OFWs ug returning Pilipinos i-swab test kini sa ika-unom nga adlaw sa ilahang hotel quarantine. Kung negatibo sa COVID-19 ma-release sila sa facility ug kinahanglang ipadayon ang 14 days quarantine.
Sa kasamtangan wala pay mga airline companies nga nagpahibalo nga aduna na silay byahe gikan Qatar, Singapore, Quanzhou (Jinjiang) ug Hong Kong pasulod sa Davao Airport.
RadyoMaN Aimee Guinita
