Sa interbyu sa DXDC RMN Davao kang Kapitan Dujali, gisulti niini nga naobserbahan gayud ang dagsa sa tawo human gi-abli sa publiko ang coastal road niadtong Biyernes (Enero 28, 2022).
“Sa pagkakaron, mura’g nakalitan ra pud siguro sila no, kay ang atong kaigsoonang Dabawenyo pud dugay napud gyud naghinamhinam makasulod aning coastal road (para) maka-jogging, maka-walking,” segun sa kapitan.
Hinuon, matud sa Barangay official nga naga-roving usab ang ilang tanod sa lugar, gawas sa police ug auxiliary personnel nga gi-deploy sa area pagmonitor sa compliance sa tawo sa health protocols batok COVID-19 ilabina gyud ang pagsuot og face mask ug social distancing.
Sa pagkakaron, wala una gitugotan sa coastal road ang vehicles ug motorcycles din ang gitugot nga aktibidad mao ang walking, biking, playing, jogging, exercise, ug skating.
Abli ang Davao City Coastal Road matag adlaw gikan alas 5:00 ngadto alas 8:00 sa buntag, ug alas 3:00 sa hapon ngadto na alas 7:00 sa gabii.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
