Gikanayon ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), kinahanglan nga isuot gihapon ang face mask sulod sa Roxas Night Market gawas lang kung mukaon ug muinom.
Giklaro usab ni Schlosser, welcome sa area ang bakunado ug dili bakunado batok COVID-19 ilabi na nga kanunay’ng ginapasabot ni Davao City Mayor Sara Duterte-Carpio nga dili angay magbaton og diskriminasyon tungod kay dili mandatory ang pagpabakuna.
“We will continue to have dialogues with them (sa mga tao) kung unsa ang importansya ug benefits sa bakuna. But dili gyud nato sila i-discriminate na just because they are not vaccinated, dili na nila ma-enjoy ang privilege of going to Roxas Night Market,” sulti ni Schlosser.
Samtang, gisiguro usab sa Davao City Police Office (DCPO) nga hugot usab ang ilang ipatumang seguridad sa Roxas Night Market alang sa Davaoeños ug uban pang mga mubisita sa lugar.
RadyoMaN Kirby Manzon
