Davao City – Aprubado na sa third and final reading ang pagdugang sa anti-discrimination status sa panglawas nga kahimtang ug paglabot sa City Health Office (CHO), LGBTQ++ ug Integrated Gender Development Division (IGDD) sa Anti-Discrimination Ordinance.
Atol sa regular session sa 18th City Council karong adlawa, 16 ka mga konsehal ang mi-uyon, duha ang nagdumili, usa ang walay desisyon samtang lima ang absent ug wala ka botar sa maong ordinansa.
Sumala ni Committee on Health chair Councilor Mary Joselle Villafuerte, tumong niini nga ma-address ang diskriminasyon sa mga trabahante kinsa gina hukman o bisan gina-terminate gumikan sa ilang sakit ingon man kondisyon sa panglawas.
Base sa draft sa maong ordinansa, mamahimong criminally liable ang bisan kinsang tawo nga makalapas niining lokal nga balaod diin sa unang paglapas mamahimong tambagan ug makabayad og P1,000 samtang P2,000 ug pagkakulong sa di moubos sa 10 ka adlaw base sa hurisdiksyon sa korte ug mapenalisar og P5,000 lakip pagkakulong sa 15 ka adlaw sa ikatulong paglapas.
Ang City Ordinance 1417-12 ginadili ug ginapenalisar ang diskriminasyon base sa sex, gender, identity, sexual orientation, race, color, descent, national o ethnic origin ug relihiyosong pagtoo.
RadyoMaN Jason Amisola
