Malaybalay City, Bukidnon – Mas gipakusog pa ang mga programa sa City Health Office kon CHO-Malaybalay karong tuiga.
Sa interview sa RMN ngadto kang Grace Lingcasan, ang health information and education officer II sa buhatan gibutyag niini nga apil sa ilang prayoridad nga ipatuman karong tuiga mao ang pagpadayon sa programa sa tuberculosis.
Matud ni Lingcasan nga gituboy usab nila ang programa alang sa healthy lifestyle.
Gitutukan usab daw nila ang mga tulunghaan aron ma-atiman ang kidney sa mga kabataan.
Samtang gi-aghat usab daw sila Department of Health kon DOH alang sa mga non-communicable diseases nga programa diin gihatagan nila ug dako nga importansiya ang mga person’s with different disabilities kon PWD’s.
Kaabag usab sila sa programa sa local government unit nga hatod sebisyo sa barangay.
