*HEFE DEL POLICIA TA MANDA MAN RESIGN CON EL MGA POLICE SCALAWAGS*
*BHONG SIMBAJON*
El designao official encargao del mando policia local ta manda demiti na fuesto con el tal mga myembros del policia designao aqui na Zamboanga si no querre sila sufri el consequencia del diila mga mal-trabajo.
Este el revelasyon de Police Senior Superintendent Neri Ignacio na programa el “Police Hour” que ta man ere na RMN Zamboanga cada Sabado por la tarde.
Asegun con Ignacio, nuay lugar na organisasyon del “Zamboanga’s Finest” el tal mga mal hentiyos porcausa cay lamat pang sila na organisasyon y ta hace lang lucuras na diila trabajo.
Ele pa ya abla cay mga “nuay huya” estos mga pulis que imbuelto na mal-actividad como illegal juego, kidpapping, y illegal droga porcausa cay sila hinde lang ta dale maliimahe na organisasyon, sin embargo, ta dale pa mal-impreccion con el mga de uniporme otoridad.
Si Ignacio ya revela na RMN Zamboanga, cay chene pa sila con quien mga pulis bajo na ZCPO el aura na imbestiga y pendiente el plantada de caso administrative y criminal conesos en tiempo si fuede dale prueva cay sila imbuelto na mga actividades illegal aqui na Zamboanga. – *Bhong Simbajon/RMN News*
9-6-17-HEFE-DEL-POLICIA-TA-MANDA-MAN-RESIGN-CON-EL-MGA-POLICE-SCALAWAGS.docx
