El hefe del policia local Senior Supt Neri Vincent Ignacio ya conduci sorpresa drug testing con el mga oficiales del policia local de mas reciente.
Ya llama conferencia si Ignacio contodol oficiales del policia,sin saver diila, ya abuya el mga personajes del crime laboratory y insiguidas ya conduci drug testing canila.
Na entrevista del RMN Zamboanga,si Ignacio ya abla cay necesita le conduci con el mensyonao proceso para asegura cay limpio desdel asunto de droga el su liderato.
“Quilaya kita fuede abla cay seriosemente kita ta sigui cosa kita ta practica si hinde kita mismo amo queda vuen ejemplo?”,si Ignacio ya abla.
Asegun con Ignacio, seryoso ele con el campanya contra droga ilegal que ta contribuji mucho na mga soceso de crimen aqui na fueblo.
Ele ya abla cay ele hay conduci tambien serye de sorpresa drug testing na mga presinto sin ablar na mga diaz que viene. -Bhong Simbajon/RMN News
