Davao City – Ensaktong enforcement ug close coordination sa mga ahensya sa gobyerno nga gitahasan sa pagbantay ug pagpakgang sa droga nga ginapasulod sa nasod.
Sumala ni criminal law practitioner Atty. Leonard Cagatin, gikinahanglan nga ang Philippine Drug Enforcement Agency (PDEA), Philippine National Police (PNP) ug Bureau of Customs (BoC) adunay ensaktong koordinasyon kabahin sa pagmonitor aron di makasulod sa Pilipinas ang droga gikan sa laing kanasuran.
Kabahin niini gisugyot usab ni Cagatin nga ipailawom sa ‘lifestyle check’ ang mga kawani sa Bureau of Customs aron mahibaw-an kung kinsa ang mga kakonsabo sa mga drug dealers.
Giklaro usab ni Cagatin, dili palpak ang atong mga balaud batok niini, apan ang kulang lamang niini mao ang hugot nga implementasyon.
RadyoMaN Bernard Pantallon
