Helmet na motorista hinde anay implementa

46

Este dia principiael implementacion del no helmet policy na ciudad siguiendo na un resolution ya pasa el consejo local.
Intencion del mencionao palicia para bisto el ichura del mga ta meneja motor y el diila ancas.
El consejo local ya aprova con el resolution 1203 del semana pasao intendido para man relax anay el implementacion del helmet law dentro del cinco kilometro na ciudad principiando Septiembre 14, 2017 hasta Octubre 31.
Dentro del mencionao periodo entrao tamen el celebracion del Hermosa Festival o e fiesta del La Virgen del Pilar.
El consejala Pin-pin Pareja el author del resolution ya habla comi chairperson del cometiva de paz y orden na consejo objeto disuyo para mira el seguridad del cada Zamboangueño y el mga visita durante el celebracion del fiesta hermosa.
Ya esplica tambien el nuevo hefe del traffic division del Zamboanga City Police Office Chirf Inspector Reymond Sanson, hinde sila porsa con el mga jente manda kita el helmet si quiere sila usa basta hinde lang ta tapa el diila cara.
Ya habla pa si Sanson el quien motorista ta usa full face helmet ay ordena sila quita para claro el diila cara.

Facebook Comments