Davao City – Nagpatabang sa kapulisan si alyas ‘Kris’, 22 anyos, adunay live-in partner, store helper, nagpuyo sa Purok 1, Barangay Tibuloy Toril, Davao City, human gi-harass sa iyang ka textmate atubangan sa iyang kapuyo.
Sa blotter sa Toril PNP, nakadawat og hilas nga mga text massages sa iyang cellphone si alyas Kris gikan sa wala mailhing numero rason nga iyang gipahibalo ang iyang live-in partner.
Nag reply kunuhay si alyas Kris ug nakigsabot sa iyang wala pa mailhing ka textmate nga magkita alas 2:00 sa kadlawon sa Purok 3, Barangay Tibuloy, Toril aron ilang mailhan sa iyang live-in partner kung si kinsa ang nasige og padala’g bastos nga text messages.
Pag-abot ni alyas Kris sa dapit, kalit usab miabot si Climaco Llego Jr. ug dayong gakos ug halok sa biktima samtang padulong sa ngit-ngit nga bahin.
Sa dihang huboan na si alyas Kris sa suspect daling mi-rescue ang iyang live-in partner ug abtik nga nakasibat ang suspetsado.
Sa presinto miderestso ang mag live-in partner aron ipatala ang insidente samtang ang suspek gipangita na sa kapulisan.
RadyoMaN Erin Lumosbog
