Helper gikawatan, gikulata sa KTV BAR

20

Davao City- Gikawatan og selpon sud sa KTV Bar nga nahimutang sa Kilometer 10 Sasa ang usa ka helper kinsa igo ra unta naglingaw-lingaw pinaagi sa pag-inom.

Dili lang nakawatan og selpon apan gikulata usab ang biktima nga giilang si John Paul Magno, ulitawo natawo sa Sultan Kudarat, ug temporaryo nagpuyo sa Sasa, dakbayan sa Dabaw.


Ang suspek giilang Aljaymar Laquinta, 20 anyos, taga Laak, Davao De Oro ug ig-agaw sa biktima.

Samtang nag-inom ang duha sa KTV BAR nagkabikil kini tungod sa nawala nga selpon nga iya ni Magno.

Nasanta ang away sa duha dihang nipatunga ang kapulisan nga miresponde sa natigayong gubot sa bar.

Pipila ka gutlo miagi human pagbiya sa mga pulis, gitiwas sa duha ang ilang away ug didto na gikulata og maayo ni Laquinta ang iyang ig-agaw resulta sa mga bun-og sa lawas 3:00 sa kadlawon.

Nagpatambal dayon sa Southern Philippines Medical Center ang biktima.

RadyoMaN Joel Viray

Facebook Comments