Davao City – Patay ang usa ka lalaki nga si Elmel Vegonti Coresis, 35 anyos, helper, nga taga Purok 5 Sirib Calinan ning siyudad human makuryentehan kagabii.
Sumala pa mga pasado alas 7:00 sa kagabhion gisugo ang biktima sa iyang agalon nga si Welnaldo Alferez Tantuan nga kuhanon ang usa ka extension wire aron sugaan ang sakyanan nga ilang kumponihon.
Sa dihang gisaksak na sa biktima ang extension wire ug disgrsyang nagunitan niini ang panit nga bahin sa maong wire hinungdan nga nakuryentihan.
Nakit-an na lamang sa iyang kauban nga kalit nga mikirig ug natumba sa yuta ang biktima hinungdan nga daling giibot ang extension wire.
Gidala pa ang biktima dinhi sa Holy Spirit Hospital sa Barangay Mintal apan gideklara kining patay tungod sa pagkasunog sa mga internal organs niini.
RadyoMaN Paul Canono
