Sa dili madugay mobarug na diha sa Zamboanga del Norte Medical Center (ZNMC) Compound nga nahimutang ning dakbayan sa Dipolog ang dugay nang gihandum sa mga katawhan nga Hemodialysis Center ug ang Eye Center aron dili na usab mobiyahe ang mga pasyente dinhi ngadto na sa Cebu City, Dumaguete City, Cagayan de Oro City ug Zamboanga City nga buot mopahimulos niini nga serbisyo- medical.
Kini mao ang gihangyo ni Dr. Esmeralda A. Nadela, Acting Hospital Administrator sa Zamboanga del Norte Medical Center ((ZNMC) ngadto ni Governor Roberto Y. Uy nga giaksiyonan usab gilayon sa mga sakop sa Sangguniang Panlalawigan sa Zamboanga del Norte.
Usa ka resolusyon ang gipagawas kalabot sa pagtukod sa Hemodialysis Center ug ingon man ang Eye Center nga ipahimutang sa ZN Medical Center Compound.
Nasayran ang gipasar nga resolusyon sa mga magbabalaud sa probinsiya usa (1) lamang sa gipangayo nga mga rekisitos sa Department of Health (DOH) alang na sa Permit to Construct niini sa nasangpit nga mga proyekto.
