GENERAL SANTOS CITY- Mitugpa sa Norala District Hospital ang usa ka drayber samtang nisibat ang iyang kaatbang nga drayber human nga parehong madisgrasya sa drag racing activity sa Barangay Kibid, Norala, South Cotabato.
Base sa imbestigasyon sa Norala Municipal Police Station, girespondehan nila ang tawag gikan sa ospital nga adunay natikay-ang nga motorista og nasamdan tungod sa karera sa motorsiklo.
Ang mga nalambigit nga motorsiklo anaa karon sa kustodiya sa Norala PNP mao ang modified Honda XRM 125 gisakyan sa usa ka Jamil Lacuarta, 22 anyos, walay driver’s license og residente sa Purok Mangga, Barangay Poblacion sa maong munisipyo samtang laing modified nga Honda XRM 125 walay plate number gisakyan sa nagpangalan lamang og Kikoy Millan, hamtong ang edad og residente sa Brgy. Kibid sa maong munisipyo.
Dugang imbestigasyon sa kapolisan, bag-o pa sa maong aksidente nagsabot ang duha ka drayber nga mag-drag race gamit ang ilahang motorsiklo apan dihang hapit na makaabot sa finish line nawad-an og kontrol ang drayber nga si Lacuarta og midiretso sa sementong dalan dayon nabangga sa kaatbang nga motorsiklo.
Nakaangkon og injuries sa kalawasan si Lacuarta samtang nisibat sa lugar nga nahitaboan ang drayber nga nailang si Kikoy Millan.
For more info’s and update visit ouf official facebook page: www.facebook.com/ifm91.9number1
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: disgrasya.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
