Gitanggal na sa iyang pwesto isip hepe sa Maasim Municipal Police Station si Police Senior Inspector Nemecio Calipjo Jr human nga nagpabuto og armas gumikan sa gikataho sad nga impluwensyado sa ilimnong makahubog.
Nasayran nga daw adunay gubat nga nahitabo sa munisipyo human nadunggan sa mga tawo sa palibot ang kinse ka pakapaka sa armas nga M16 rifle.
Gibutyag ni Maasim Municipal Mayor Utto Salim Cutan nga gialegar nga hubog si Nemecio dihang nahitabo ang insidente.
Dugang ni Cutan nga nasuko ang nahisgutang opisyal ngadto sa iyang mga sakop human wala misunod kaniya sa ipahigayon untang operasyon.
Human sa panghitabo gisulayan og tawag sa telepono ni Cutan si Calipjo apan hayag na niya kini nahinabi og gikumpirma ang insidente.
Si PSI Wesley Matillano karon ang gituboy nga officer in charge sa presinto samtang may dakong posibilidad na mag-atubang ug kaso ang nahisgutang opisyal nga alarms and scandal ug nagpabilin karon si Calipjo sa provincial headquarters sa Sarangani PNP.
*For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
