Taliwa sa gipahayag ni Presidente Rodrigo Duterte nga lisod nga kontrolahon ang problema sa ilegal nga drugas sa nasud, nipadayag ug kaandam ang hepe sa Ozamis City Police Station , Chief Inspector Jovie Espenido. nga padayon niining suportaan ang kampanya sa gobyerno batok sa ilegal nga drugas .
Nagtoo si Espenido nga kung tinud-on lang gyud sa mga hepe sa PNP gikan sa matag rehiyon ngadto na sa syudad ug kalungsuran ang paggukod sa mga dagkung isda sa illegal drug trade, makab-ot sa kapolisan ang tinguha niini nga makontrolar ang suliran sa ilegal nga drugas sa nasud .
Si Espenido usa sa nahatagan ug special award ni Pres. Duterte atol sa Police Service Anniversary sa niaging semana tungod sa kontribusyon niini sa kampanya batok sa ilegal nga drugas .
Si Espinosa ang nakapuhag sa grupo ni Kerwin Espinosa sa Albuera Leyte ug sa mga Parojinog sa Ozamis City.
