Gipasaligan ug igong suporta si Police Regional Office -7 Director , Chief Supt. Debold Sinas gikan sa iyang mga labaw kung ugaling ipatawag gyud kini imbistigasyon sa Senado labot sa mga kaso sa pagpatay dinhi sa Sugbu ug ubang bahin sa rehiyon syete.
Matud ni Sinas nakahigayon sa pagsulti kaniya labot niini si PNP Chief Director General Oscar Albayalde ug si Interior and Local Government Secretary Eduardo Año .
Gimanduan si Sinas ni Albayalde nga mangandam sa pag-atubang sa hearing ug gihatagan siya ug pagtugot nga moatubang sa Senado .
Subay niini taas ug kompyansa si Sinas nga moatubang sa imbistigasyon ug andam kining mopakita sa gikinahanglan nga mga dokumento sa hearing bahin sa anti-drug operation sa PRO-7.
Duha na ka senador ang niduso ug resolosyon alang sa pagpatawag ug imbistigasyon sa Senado labot sa isyu sa mga patay dinhi sa Sugbu ug ubang bahin sa Central Visayas.
