Davao City- Gimanduan na karon ni Station Commander San Pedro PNP Police Chief Inspector Ramil Macarampat ang tanan kapulisan sa iyang buhatan nga magmaigmat sa pagbantay sa ilang area of responsibility aron masugpo kining mga suspek sa pagpangawat, pagpanulis ug pagpangilad nga nisiaw na sab partikular sa dakbayan sa Davao.
Sumala sa opisyal nga gipatuman usab ang police visibility, pagpatrolya sa kadalanan, random checkpoint ug pagpangsita sa mga nagsakay og motorsiklo nga kaduda-dudahan ang lihok sa matag gabii.
Gidugang ni Macarampat nga tingsiaw sa mga kawatan rason nga hapit na ang bulan sa Disyembre ug maningkamot nga mag-ipon ang mga kawatan.
Gipaabot sa opisyal sa tanan Dabawenyo nga dili mokumpiyansa sa mga kawatan kun ugaling adunay mga namatikdan nga nagbuhat sa giingon daling i-report sa kapulisan aron maaksyonan.
RadyoMan Don Pulayao
