Human nga gipahugtan karon dinhi sa atong dakbayan ang pag implentar sa pagsuot sa helmet daghan usab ang mga nag reklamo nga adunay hangyo-hangyo ug wala gayud gibutang ang kantidad nga penalty panahon nga madakpan matag inbidwal.
Apan gi pa klaro kini karon sa hepe sa trapiko nga si Felipe Mangila nga walay nakalatid nga penalty sa traffic code dinhi sa atong dakbayan.
Pero matod nga dili gyud kalikayan nga adunay mo hangyo ilabi na nga dako na ang violation sa sama sa walay lisenysa ug OR/CR tungod unya daw apike maong moduol sa traffic enforcer para pa us-usan ang kantidad.
Pero kung sa opisina dili gayud mo ubos ang balayrunon panahon sa pagdakop kung unsay nakasulat sa citation ticket.
Gikatingla usab sa mga motorista ug nganong wala gikalatid sa City ordinance citation ticket ang no helmet ug kasagara niini mao lang ang sa no headlight, illegal parking ug pipila ka mga common vialotion.
Matod ni Mangila daghan kaayo ang gidili sa city ordinance ug bisan paman nga wala nakabutang ang paglapas sa wala pagsuot ug helmet apan may portion nga others ug didto na kini ibutang ang “no helmet” ug mga motor cab drayber nga nagsuot ug tsinelas.
Dugang pa nga nasayod na usab ang treasurers office kung pila ang mga balayrunon sa matag violation*.*
