Davao City- Nigawas sa imbestigasyon sa Tugbok Police Station nga dili gikan sa firing range sa Task Force Davao (TFD) ang nakit-an saag nga bala sa usa ka alias “Bea” nga nahulog sa iyang balay sa Brgy. Tacunan, Davao City subay sa post niini sa social media.
Sa interview sa DXDC RMN Davao kang Police Major Jimmy Evangelista, ang Hepe sa Tugbok Police Station gibutyag niini nga imposible nga maabot ang maong bala sa panimalay sa complainant tungod layo kini og anaa sa duha ka kilometro ang gilay-on.
Segun sa Evangelista, posibleng adunay nagpabuto sa silingan sa complainant og ila pang gipalapdan ang gihimong imbestigasyon.
Subling nagpahimangno ang opisyal, kung adunay reklamo daling i-report sa presinto sa kapulisan og dili dayon i-post sa social media aron malikayan ang pag-panic sa katawhan.
Kahinumduman nga gipost sa complainant ang saag nga bala hinungdan nga mi-ani kini og daghang mga reaksyon.
RadyoMaN Don Pulayao
Facebook Comments
